Петропавлда ювеналды полицейлер «Учаске» жедел-алдын алу іс-шарасы аясында тұрмысы төмен отбасылар мен жасөспірімдерге рейдтер жүргізді. Рейдке СҚО бала құқықтары жөніндегі уәкіл, облыстық мәслихат депутаттары, «Amanat» партиясының, қорғаншылық, білім беру органдарының, кәмелетке толмағандар істері жөніндегі комиссияның өкілдері, сондай-ақ еріктілер қатысты.
Рейд барысында полиция қызметкерлері есепте тұрған 16 жасар қыздың тұрғылықты жерінде тексеру жүргізді. Әйелдің ішімдіктің иісі шығып тұрғаны анықталды, ал ол медициналық тексеруден өтуден бас тартты. Бұл жағдай полицейлерді әйелді оқшаулауға мәжбүр етті. Қызды өмірлік қиын жағдайға тап болған балаларды қолдау орталығына уақытша орналастыруға тура келді.
СҚО ПД Жергілікті полиция қызметі басқармасының бастығы полиция подполковнигі Әлібек Ғабдуллиннің айтуынша, «ата-аналардың ішімдікті асыра пайдалану жасөспірімдердің қараусыз қалуының ең көп тараған себептерінің бірі». Рейд барысында 20 тұрмысы төмен отбасы мен есепте тұрған 3 жасөспірім тексерілді.
Кәмелетке толмағандар арасында және оларға қатысты қылмыстар мен құқық бұзушылықтардың алдын алу жөніндегі рейдтер тұрақты негізде жүргізілуде. Тәртіп сақшылары ересектерді балалардың қараусыз қалуына жол бермеуге шақырады.
Игорь Мерцалов, СҚО ПД баспасөз қызметі